مواهب البرامج

عن الحلقة

بالحلقة الثانية من الموسم الثاني لبودكاست "دُمْ تَكْ" رح نحكي عن برامج المواهب اللي بدأت بالوطن العربي تقريبًا وقت إطلاق برنامج "ستوديو الفن"، سنة ١٩٧٢- ١٩٧٣.

ستوديو الفنّ شاف نجاح كبير، بوقت ما كان فيه إنترنت ولا فضائيات ولا فرص للانتشار بالعالم.

وحسب معدّ البرنامج، سيمون أسمر، لما بلّش ستوديو الفنّ كان فيه ٨ مطربين بلبنان، وما كان فيه ولا تلفزيون بيقدر يعيش على ٨ مغنيين بس. ولمَّا نفكّر بالنجوم خريجي ستوديو الفن، كأنّه عم نسمّي النجوم الي كانوا عالساحة بالثمانينات والتسعينات ولحد اليوم: وليد توفيق، راغب علامة، نوال الزغبي، عاصي الحلاني، وائل كفوري، إليسا، رامي عياش، فارس كرم، ميريام فارس، وماجدة الرومي،الفائزة بالموسم الثاني سنة ١٩٧٤.

بس شو صار ببرامج المواهب اليوم؟ بدكم تعرفوا أكثر؟ اسمعوا هالحلقة من "دُمْ تَكْ".

هالحلقة بحثاً وكتابة للما رباح، تحرير وإنتاج صابرين طه، إخراج صوتي لتيسير قباني، وساهمت بتحريرها، وبترويلكم إياها رنا داود. شارك بإنتاج هالموسم من دم تك فريق صوت.

رصيد الأغاني بترتيب ظهورها:
أغنية البودكاست: لما بدا يتثنى، شيرين أبو خضر، دوزان
أنا قلبي دليلي، غناء ماجدة الرومي، في  ستوديو الفن ١٩٧٤
الحب اللي كان، شهد برمدا، سوبر ستار ٢٠٠٦
علِّي الكوفية، محمد عساف، آراب آيدول ٢٠١٣
جاية الحقيقة، ستار أكاديمي الموسم الأول
باي باي يا أكاديمية، بشار الشطي ومحمد عطية
وزع شوكلاطة وطعمينا، أيمن رضا، مسلسل أبو جانتي

حلقات اخترناها لكم